מדשתיק שמע מינה דניחא ליה?

This news never gets old. Upon returning to the States last week I was rudely greeted by the terrible news that שאול יחזקאל שפיצער, all of 18 years old, from a nice Oberlendishe family, was sentenced to 7 years in State Penitentiary. I know the same can be said about me - but it's cute to see how a bucher'l whose zeides never heard of Skver, or any Chassidus, to be frank, is gonna go to jail for the current Skverrer. There are many, many unanswered questions that we dare ask, about the actual incident, the events that lead to it, and about what happened since then. Who knows if we'll ever know what really happened here. There's also the fact that instead of realizing that times HAVE changed and that defending the act and defaming Chaim Aron Rottenberg will do them no good anymore, many in that community have continued to do so, even those who'd you expect to know better - like people who are a bit more broad minded and have been exposed to the outside world. I don't get it. Maybe they think that the whole world is out to get them and they need to defend themselves at all costs. Truthfully, if you look at Spitzer's face you can probably believe that he's innocent, the kid doesn't look like he can hurt a fly. Which goes to show you that the real culprits are still out there, and that he's the fall guy, plain and simple. Why else was there no trial?

אינעם פאלגענדען דרשה הערט מען ווי א מגיד שיעור אין די ישיבה "אביר יעקב" ד'שיכון סקווירא, ר' ש"ד ה. (צו וועלכע איך האב נישט לאנג צוריק געשריבען א טשעק פון 2 מאל ח"י דאלאר - פרעג מיר נישט פארוואס...) גיט צו פארשטיין פאר יונגע בחורים - אין סקווירא האט מען יונג חתונה,אזוי אז זיי קענען נישט זיין אלט מער ווי 17 יאר - פארוואס חיים אהרן ראטענבערג, א בן אברהם יצחק ויעקב אמווייניגסטען -איז א "טמא." נישט מער נישט ווייניגער. און היות ער איז א "טמא" און דער רבי שליט"א איז א "שטיק אלוקות," צדיק גוזר והקב"ה מקיים, און נישט פאלגען דעם רבי'ן איז ערגער ווי עובר זיין אויף איסורי דאורייתא. כאטש מ'קען נישט זאגען אז ער האט עס ערליך פארדינט, ווייל סקווירא איז דאך מיוסד אויף אהבת ישראל, סקווירא איז דאך אלעמאל געווען בבחי' הנעלבים ואינם עולבים, ניטאמאל וויזוי צו שלאגען ווייסן זיי, א שאף צווישן וועלף זענען זיי----- אבער דאך.... ווינק ווינק. דער וואס טשעפעט זיך מיט'ן רבי'ן איז דמו בנפשו, זאל ער נישט קומען מיט טענות שפעטער... און מיר ווייסן דאך דעם אמת, אז זיין אמת'ע כוונה איז נישט נאר צו דאווענען ערגעץ אנדערש ווייל ער קען נישט פארטראגען די לאנגע תפלות און טישן. ניין, דער "טמא" ווייל לוחם זיין קעגן די קדושה פון די הייליגע שטעטל שאין כדוגמתו אין די גאנצע כדור הארץ, נו איז קומט זיך אים... אוי לאוזניים שכך שומעות. וואלט איר געמיינט אז דער מגי"ש איז א קליינקעפלדיגער וועלכע ווייסט נישט פון דער וועלט צו זאגען, זאג איך אייך ניין! ער ווייסט צו זאגען פון די איימיש און זייערע מנהגים, און די מארמאנס און זייער לעבנסשטייגער, און אפילו צו זאגען פון א "טשיינעטאון." ער ווייסט אויך צו זאגען פונקט ווי די אלע שבטים וואלטען באהאנדעלט אזא פארשוין ווי חיים אהרן. וואזשע דען? פונקט ווי אין סקווירא! ניין, נאך ארגער! זיי וואלטען געמאכט אז ס'וואלט נישט געבליבען קיין זכר פון אים, ער וואלט נעלם געווארען. אבער מיר חסידי סקווירא זענען בעסער פאר זיי...  איז דען א וואונדער אז שאול יחזקאל האט געטוהן אזעלכע זאכען? אבער ר' ה. גלייבט נישט אז שאולי האט עס געטוהן, יתברוו ויתלבנו הדברים, זאגט ער. באלד וועט זיך ארויסווייזן אז ער איז אינגאנצען אומשולדיג און אז די תפלות פון כלל ישראל זענען ח"ו נישט געווען אומזיסט. דאס אז מ'לעבט היינט אין אן אנדעקרע וועלט ווייסען זיי נאך נישט, אפשר זענען זיי טאקע אזוי "אפגעהיטען" ווי זיי ווייזן פאר די וועלט און מיינען אז מ'קען נאך רעדן בפומבי אזעלכע ווערטער. אנדערש וואלט א מענטש וואס באלאנגט צו די עם חכם ונבון נישט גערעדט אזעלכי רייד צו א גרופע בחורים וויסענדיג אז אין א רגע כמימרא איז עס פארשפרייט פאר די גאנצע וועלט. (כאטש אז די האטליין איז פנימי...) דאס הארץ וויינט פאר אחב"י

.


און וואס הערט מען עפעס פון די ראשי החסידות אינעם שטעטל? שא שטיל. מדשתיק וכו'... עולם כמנהגו נוהג. אה! מ'גייט ראטעווען די דורות מיט א כינוס "לקיום הדורות" וועגן די טעכנאלאגיע הטמאה והמטמאת אין א בייסבאל סטאדיום, מיט דעם איז מען פארנומען. שפיכת דמים און חילול ה' מאכט נישט חרוב קיינע דורות... דאס קענען די דורות זעהן און ס'שאט נישט. (אפשר זענען זיי גערעכט, אפשר איז דאס שוין א חלק פון אידישקייט, משא"כ די אינטערנעט. איז אפשר אן עצה אז מ'איז דאס כולל אין אידישקייט אויך! כ'מיין די אינטערנעט. אזוי וועט מען זיך מער נישט דארפען לוחם זיין דערקעגן...) ווייל דאס אז די צרת השעה איז די אינטערנעט דאס ווייסן אלע. אהן דעם וואלט אלץ געווען אין ארדענונג. יש לומר אפילו אז די גאנצע ראטענבערג מעשה איז נאר אדאנק די אינטערנעט, ווייל אהן די אינטערנעט וואלט חיים אהרן נישט געוואוסט אז מחוץ לגלילות סקווירא איז פאראן א "נוירסינג האום" ווי מ'קען דאווענען. ער וואלט געמיינט אז די וועלט ענדיגט זיך ביי רוט 45 און וואשינגטאן עוועניו... באמת ליגט מיר אסאך ערגערע מחשבות אין קאפ, בין איך דאך אבער א היימישע אינגל, און כ'האב נישט ליב צו רעדן אזוי שלעכטס אויף מנהיגי ישראל, אפילו אויב די מחשבות שווימען אין קאפ, וועל איך דערפאר נישט רעדן קיין שלעכטס אויף די ראשי הקהילה דארט. אבער עס טוט זייער וויי. באמת. כ'האב אזא שוואכקייט, ס'איז בירושה מאבותיי אז איך האב אן איידעלע נשמה און איך פארטראג נישט ווען מיינע אוערן הערן אז מ'בארעדט אידן, יהיו מי שיהיו. וועט מען זיך דא אפשטעלן און הערן וואס איר, די חשוב'ע לייענער, האבען צו זאגען דערוועגן. טאמער איך מעג וואלט איך געבעטען פון די חשוב'ע לייענער צו לאזען וויסן פאר די חברים דא וואו עס זענען די "זאפטיגע שטיקלעך," אזוי אז מ'זאל שנעל קענען אהין צוגיין. כאטש אז איך בין מציע אז מ'זאל אויסהערן דאס גאנצע שמועס... אויך וויל איך ביי דעם געלעגנהייט דער חשוב'ע לייענער וועלכע האט זיך מטריח און אראפגעכאפט דעם שמועס אויף א "טייפ" און עס אהער געשיקט. תהא משכורתו וכו' ויבורך מפי עליון