?!מה לבעלזער חסיד של ימינו ולקנאות

כ'על אייך זאגען דעם אמת, איך האב אויך הנאה אויסצוהערן ר' מנשה'ס שיעורים פון צייט צו צייט. און אין א געוויסע מאס בין איך אביסל איינשטימיג מיט אים - ווען עס לאזט זיך, און איך בין אין אזא קנאישען גיסטע. איך בין א שטיקל אידישיסט און מיר באדערט אז אידיש איז פארגעסן געווארען ביי די אינגע דור אין ארץ ישראל. אבער לדעתי האט ר' מנשה אן אחריות צו זיינע צוהערער. חכמים הזהרו בדבריכם - מיינט מען אים. יעצט וועלען א פאר צענדליגע אידן אהיים גיין און לאזען וויסען פאר די בני בית, פאר גוטע פריינד, און פאר'ן שאפער פונעם אוטובוס אז עיווריט איז א טמא'נע שפראך, פול מיט מינות און אפיקורסות. דאס איז אפשר גוט ווען דאס ווייב און די קינדער קענען רעדן אידיש, אבער וואס וועלן טוהן די וואס קענען נישט? צוליב וואס האט דאס אויסגעפעלט? סתם געעפענט א פושקע ווערים, לדעתי. ער איז דאך אן אויסלענדער- פון בארא פארק, ווי איך פארשטיי, זאל ער לאזען די הלכות עיווריט פאר די דארטיגער, ושלום על ישראל